Ловечко-еколошко-планинарското здружение „Стрижак“ од Лабуништa деновиве покрена иницијатива за поставување корита за напојување на стоката на повеќе локации во планинскиот предел.

Од здружението велат дека моментално на Лабунишките бачила и пошироко на планината нема ниту едно корито со вода, што претставува голем проблем во летните денови кога животните имаат потреба од освежување.

Како приоритетни места за изградба на корита се предлагаат: • Скала • Лабунишки бацила • Тафов извор • Црвени извори • Невестин гроп • Караула

„Толку ли сме слаби да направиме неколку корита, каде што животните ќе имаат можност да ја изгаснат жедта од топлото време?“, прашуваат од здружението, додавајќи дека секој кој сака да помогне во изработката може да се приклучи и да ги контактира.

Со оваа иницијатива „Стрижак“ сака да поттикне заедничка акција и да обезбеди подобри услови за сточарството и планинскиот живот во регионот.