Ги информираме родителите чии деца се родени во текот на 2019 година и во јануари 2020 година дека почнувајќи од 12.05.2025 година (понеделник), ООУ „Мурат Лабуништи“ ќе започне со запишување на ученици во прво одделение, согласно член 60 и 61 од Законот за основно образование.

За точниот датум и време на запишување, родителите ќе добијат покана од училиштето.

Потребни документи за упис:

• Извод од матична книга на родени за детето
• Лични карти на двајцата родители
• Потврда од амбуланта за извршено редовно вакцинирање на детето
• Потврда од стоматолог
• Потврда од очен лекар – офтамолог, или упат за очен лекар

Запишувањето ќе се врши во просториите на училиштето од страна на Комисија формирана од Директорот.

Уписот е задолжителен согласно Законот за основно образование. Комисијата врз основа на добиените резултати од испитувањето на предзнаењата на децата при уписот, ќе изврши распределба по паралелки, која ќе биде јавно истакната во училиштето.