Со благодарност пред сè на Аллах џ.ш. за Неговата помош и олеснување, а потоа и на сите дониратори кои несебично придонесуваат со бетон, железо или парични средства, известуваме дека моментално се бетонираше потпорниот ѕид и неколку столбови.

Како тема мораше да се избере нешто реално и значајно, па си реков – зошто да не биде токму плоштадот во моето родно село, Лабуништа. Ме мотивираа самите проблеми со кои секојдневно се соочувам јас и моите сограѓани – од хаотичниот сообраќај, до недефинираниот јавен простор кој нема своја јасна функција и идентитет.

На акумулацијата Глобочица денес се одржа традиционалната риболовна дружба во организација на Риболовното друштво „Карп Фиш Лабуништа“, на која учество зедоа 13 екипи од локално ниво. Настанот помина во позитивна и спортска атмосфера, а посебно беше забележливо присуството на млади риболовци, кои, според организаторите, ја претставуваат иднината на овој спорт.

Оваа недела, на 12 октомври 2025 година (недела), од 13:00 до 16:00 часот, во прекрасниот амбиент на Рибник Aquarius Dule ќе се одржи незаборавен настан посветен на најмладите – ден со аниматори и детска забава!

Со Аллахова помош и посветената работа на градежниот тим, секојдневно се изведуваат важни фази од изградбата. Во изминатите денови беше извршена хидроизолација на сите столбови и потпорниот ѕид, со што се обезбедува трајна заштита од влага и долгорочна стабилност на објектот.

Во дворот на Основното училиште „Мурат Лабуништи“ во Лабуништа започна изградбата на нов рекреативен парк, кој ќе им служи како место за одмор, дружење и физички активности на учениците и жителите на ова населено место.

Риболовното друштво „КАРП ФИШ“ Лабуништа – Црн Дрим ги известува сите љубители на спортскиот риболов дека на патеката од првиот влез (Теснец – Балканче) до вториот влез (Садикови ниви) ќе се одржи крапска дружба во деновите 10, 11 и 12 октомври.

Во Лабуништа деновиве се асфалтира улицата што води од автобуската станица до столарските работилници. По долгогодишно чекање, оваа делница конечно добива нов асфалт, на радост на жителите и сите што секојдневно ја користат.

Поради тековните градежни работи на патот од Человци до мостот за Мустофци, ве информираѓе дека овој дел од патот привремено нема да биде прооден за сообраќај

Со квалитетната изработка, современиот пристап и европските стандарди, „Австрија Пласт“ претставува нова успешна приказна од Лабуништа и пример за враќање и инвестирање во татковината.

На 2 октомври 2025 година, во Лабуништа се одржа церемонија за поставување на темелите на проширувањето на џамијата „Мехмед Али Паша“. Настанот го предводеше реисул-улема хафиз Шаќир еф. Фетаи, во присуство на муфтии, професори, верски претставници и градоначалникот на Струга, г. Рамиз Мерко. Реисот ја потенцира важноста на џамијата како духовен и образовен центар и изрази благодарност кон верниците и џамискиот одбор за нивната посветеност.

Белата покривка го најави доаѓањето на студените есенски денови и претстојната зима, а воедно претставува и убаво изненадување за љубителите на планината.

Бетонирањето започна во раните утрински часови и траеше сè до комплетното завршување на работата. Со добра организација и меѓусебна поддршка, работата помина успешно и без пречки.

Отворањето на овој погон претставува уште еден позитивен пример за тоа како младите претприемачи од дијаспората ја гледаат иднината во сопствената татковина, вложувајќи знаење, искуство и капитал за подобра иднина на целата заедница.

Ве известуваме дека во четврток, 02.10.2025 година, ќе се изведува бетонирање на темелната плоча на џамијата, почнувајќи од раните утрински часови сè до целосното завршување на работите.

Во четврток, на 2 октомври 2025, после полден намаз, ќе се одржи свечена церемонија по повод поставувањето на камен-темелникот за доградбата на Мехмед Али Пашината џамија.

Во текот на денешниот ден беа бетонирани дополнителни 40 метри од патот во новата населба во Краста. Со ова, работите напредуваат значително побрзо од очекуваното, благодарение на големиот одзив и поддршка од донаторите.

Иницијативниот одбор за доградба и санација на Џамијата на Мехмед Али Паша информира дека во тек се градежни активности поврзани со подготовка на арматурата за фундаменталната плоча.

Првата локација е патниот правец од раскрсницата што води кон населбата Человци и кон Лабунишките бачила. Овој пат е значаен бидејќи претставува пристап до планинските предели и до бачила што традиционално ги користат жителите. Асфалтирањето ќе го олесни движењето на возилата и ќе овозможи побезбеден и побрз транспорт.

Лабунишката Активна Младина организира средба која ќе се одржи на 23 септември 2025 година (вторник) со почеток во 21:00 часот, во просториите на Младинскиот центар (во рамките на Здружението на пензионери).